Gylfi var í viðtali við Liverpool Echo og segir hann þar að hann vonist til þess að Frakkinn verði áfram.

„Hann hefur verið stórkostlegur frá því hann kom og vonandi verður hann áfram," sagði Gylfi.

„Ég er viss um að félagið muni setja pressu á hann að vera áfram, og við strákarnir munum örugglega líka gera það."

Hinn 24 ára gamli Zouma virðist ekki eiga mikla framtíð hjá Chelsea en þetta er í þriðja sinn sem hann er lánaður hjá félaginu. Það gæti þó verið hægara sagt en gert fyrir Everton að landa Zouma í sumar þar sem Chelsea er á leið í félagaskiptabann og vill eflaust halda flestum af sínum leikmönnum.