Simon Mignolet hefur þurft að gera sér það að góðu að vera varamarkvörður Liverpool á tímabilinu.
Brasilíski markvörðurinn Alisson var keyptur frá Roma síðasta sumar og staðið sig mjög vel. Á meðan hefur Mignolet verið á bekknum.
Jurgen Klopp, stjóri Liverpool, hrósaði Mignolet á blaðamannafundi í dag.
„Við erum bara með eitt byrjunarlið. Gæðin eru ótrúleg á æfingum þegar allir strákarnir eru heilir," sagði Klopp.
„Ég er viss um að hann líti á sig sem byrjunarliðsmarkvörð en hann er besti varamarkvörðurinn í ensku úrvalsdeildinni"
„Hann hefur bætt sig síðastliðið ár. Viðhorf hans er magnað."
Athugasemdir