Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 25. apríl 2019 13:51
Guðmundur Aðalsteinn Ásgeirsson
Myndband: Var stressaður en fékk hjálp frá Zlatan
Mynd: Getty Images
Sænski sóknarmaðurinn Zlatan Ibrahimovic er engum líkur.

Zlatan, sem er þekktur fyrir sinn einstaka persónuleika, hefur komið víða við á ferlinum en er í dag hjá Los Angeles Galaxy í MLS-deildinni.

Hann spilaði í 2-1 sigri gegn Houston Dynamo um síðustu helgi og skoraði hann úr vítaspyrnu í leiknum.

Fyrir leikinn átti Zlatan frábæra stund með lukkustráknum sem hann átti að leiða inn á völlinn. Strákurinn viðurkenndi fyrir Zlatan að hann væri stressaður og þá sagði Zlatan við hann:

„Af hverju? Þú ert með mér núna. Gerum þetta saman. Njóttu augnabliksins, njóttu!"

Myndband af þessu er hér að neðan. Í grein Daily Mail segir að strákurinn hafði nýlega misst afa sinn og samkvæmt móður hans hefur hann verið að glíma við kvíða.



Athugasemdir
banner