Coutinho, sem er 27 ára gamall, er á láni hjá Bayern frá Barcelona. Hann hefur á þessu tímabili skorað níu mörk og lagt upp átta í 32 leikjum.

Ólíklegt er að Coutinho missi af einhverjum leikjum vegna meiðslana en óvíst er hvenær keppni í þýsku úrvalsdeildinni hefst aftur. Þjóðverjar vilja byrja að spila fyrir luktum dyrum 9. maí og verið er að skoða allar leiðir til að það gangi upp. Jafnvel er möguleiki á að leikmenn spili með sérhannaðar grímur.

Bayern var með fjögurra stiga forskot á toppi þýsku úrvalsdeildarinnar þegar hlé var gert á deildinni vegna kórónuveirufaraldursins í síðasta mánuði. Spurning er hvort að Brassinn verði áfram í Bayern á næsta tímabili, en hann hefur verið sterklega orðaður við Chelsea á Englandi.