Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 25. apríl 2020 09:30
Guðmundur Aðalsteinn Ásgeirsson
Hver á að taka við enska landsliðinu?
Phil Neville er að hætta með landsliðið. Hver verður eftirmaður hans?
Phil Neville er að hætta með landsliðið. Hver verður eftirmaður hans?
Mynd: Getty Images
Jill Ellis er tvöfaldur Heimsmeistari.
Jill Ellis er tvöfaldur Heimsmeistari.
Mynd: Getty Images
Phil Neville hefur staðfest að hann muni hætta sem þjálfari enska kvennalandsliðsins þegar samningur hans rennur út sumarið 2021.

Þetta þýðir að hann mun ekki stýra liðinu á EM í Englandi eins og áætlað var. EM átti að fara fram 2021 en þar sem EM karla og Ólympíuleikarnir færðust til sumarsins 2021 þá mun EM kvenna fara fram 2022.

Neville er 43 ára gamall og hefur stýrt kvennalandsliðinu frá 2018. Undir hans stjórn endaði England í fjórða sæti á HM í fyrra. Eftir HM hafa úrslitin í æfingaleikjum ekki verið ásættanleg og hefur enska liðið aðeins unnið þrjá af síðustu tíu leikjum sínum.

Neville mun stýra enska landsliðinu í ár í viðbót en hann mun hjálpa enska knattspyrnusambandinu að finna eftirmann sinn, en hver verður það?

Alex Scott, fyrrum leikmaður Arsenal og enska landsliðsins, nefnir Casey Stoney, þjálfara Manchester United, og Jill Ellis, fyrrum landsliðsþjálfara Bandaríkjana, sem mögulega kosti. Emma Hayes, þjálfari Chelsea, og Nick Cushing, fyrrum þjálfari Manchester City, hafa áður komið til greina en tóku þá ekki við. Þau eru því ólíklegari en Ennis og Stoney.

„Er enska knattspyrnusambandið að leita þjálfara sem sérhæfir sig í að þróa unga leikmenn eða ætlarðu að ná í einhvern aðila sem hefur sannað sig í að geta náð í góð úrslit? Það er það sem þú vilt," segir Scott í samtali við BBC.

Enska knattspyrnusambandið leitar nú að þjálfara fyrir EM 2022 og HM 2023. Af öllum möguleikanum þá er erfitt að líta fram hjá Jill Ellis. Skrifuð er grein í Sports Illustrated af hverju hún eigi að taka við. Ellis er fædd og uppalin í Englandi, en hún flutti til Bandaríkjana þegar hún var 15 ára.

Ellis hefur síðan þá starfað í Bandaríkjunum og þjálfaði hún bandaríska kvennalandsliðið frá 2014 til 2019. Hún var með 87,5 prósent sigurhlutfall á fimm árum hjá bandaríska landsliðinu og stýrðinu liðinu tvisvar til sigurs á HM. Á síðasta Heimsmeistaramóti sem fram fór í Frakklandi síðasta sumar sló Bandaríkin lið Englands út í undanúrslitunum.

Ellis starfar í dag sem sendiherra fyrir bandaríska knattspyrnu. Það vel mögulegt að hún sé ánægð með afrek sín og líf utan vallar með fjölskyldu sinni í Flórída; að hún hafi enga löngun til þess að snúa aftur í hápressuna á hliðarlínunni. En ef hún vill annað verkefni, þá er líklega ekki neitt annað sem er eins sérsniðið fyrir hana og enska landsliðið.
Athugasemdir
banner
banner