Junior Sambia, 23 ára miðjumaður Montpellier í franska boltanum, var í lífshættu vegna kórónuveirunnar og þurftu læknar að setja leikmanninn í dá til að bjarga lífi hans á fimmtudaginn.
Sambia var vakinn úr dáinu í gær, föstudag, og hefur allt gengið að óskum hingað til. Hann þarf ekki lengur öndunarvél og mun dvelja á spítalanum næstu daga hið minnsta.
Ljóst er að kórónaveiran fer misilla í fólk og hefur mál Sambia vakið mikinn óhug í Frakklandi og víðar, enda ungur og hraustur einstaklingur.
Sambia hefur spilað 75 deildarleiki á þremur árum hjá Montpellier.
„Endurhæfingarferlið verður langt. Við erum þakklát fyrir að hann geti andað án aðstoðar," segir Frederic Guerra umboðsmaður Sambia.
Sjá einnig:
Leikmaður Montpellier á gjörgæslu útaf kórónuveirunni
Athugasemdir
