Sádí-arabíski krónprinsinn Mohamed Bin Salman leiðir fjárfestingarhópinn sem hefur fengið rúmlega 300 milljón punda tilboð sitt í Newcastle samþykkt.

Salman er talinn bera ábyrgð á morði Jamal Khashoggi, fréttamanni Washington Post, sem átti sér stað í sendiráði Sádí-Arabíu í Istanbúl í október 2018.

„Bresk yfirvöld og stjórn úrvalsdeildarinnar ættu ekki að leyfa manni eins og Mohamed Bin Salman, sem á enn eftir að vera dreginn til ábyrgðar fyrir morðið á látnum unnusta mínum, Jamal Khashoggi, að taka svona stóran þátt í íþróttalífi Bretlands. Ef honum verður leyft að fá sínu framgengt mun það setja svartan blett á orðspor ensku úrvalsdeildarinnar og Bretlands," segir í yfirlýsingunni.

„Mohamed Bin Salman er að nota íþróttaheiminn til að bæta orðspor sitt eftir morðið á Jamal. Allar óháðar rannsóknir, þar með taldar rannsóknir Sameinuðu Þjóðanna og CIA, komust að þeirri niðurstöðu að Bin Salman hafi gefið skipunina fyrir morðinu á Jamal.

„Ég hvet því ensku úrvalsdeildina og bresk stjórnvöld til að stöðva kaupin á Newcastle og halda MBS fjarri íþróttalífinu í Bretlandi."