Championship: Swansea, B'mouth, Barnsley og Brentford í umspil

Það varð ljóst í gær að Watford myndi fylgja Norwich upp í efstu deild eftir eins árs hlé frá úrvalsdeildinni. Það var einnig orðið ljóst að Brentford yrði í umspilinu.

Í dag, þegar Reading gerði jafntefli við Swansea, var það staðfest að Swansea, Barnsley og Bournemouth verða einnig í umspilinu. Reading var eina liðið sem átti tölfræðilegan möguleika en sá möguleiki varð að engu með úrslitum dagsins.

Tvær umferðir eru eftir af deildarkeppninni og nú einungis spurning hvernig liðin raðast inn í umspilið.

Það er meiri spenna á botninum því fimm lið eru í mikilli baráttu. Wycombe er reyndar svo gott sem fallið en Sheffield Wednesday og Rotherham eiga enn einhvern séns í baráttunni við Derby og Huddersfield.

Tveir leikir fóru fram í dag og vann Luton 2-3 útisigur á Bristol City í seinni leiknum. Stöðuna í deildinni og markaskorara dagsins má sjá hér að neðan.