Óvæntustu úrslit Borgunarbikarsins í ár litu dagsins ljós í Vesturbæ Reykjavíkur í kvöld þar sem 1.deildarlið Selfyssinga var í heimsókn hjá KR.

KR-ingar stilltu upp sterku byrjunarliði en áttu í erfiðleikum með að brjóta þéttan varnarmúr gestanna á bak aftur. Það tókst loksins eftir klukkutíma leik þegar Denis Fazlagic kom KR í 1-0.

Selfyssingar gáfust ekki upp og James Mack jafnaði metin á 72.mínútu og þurfti að framlengja leikinn.

Þar reyndist Arnar Logi Sveinsson hetja Selfyssinga þegar hann skoraði sigurmarkið fjórum mínútum fyrir leikslok.

Smelltu hér til að skoða textalýsingu frá leiknum