lau 25. maí 2019 18:36
Ívan Guðjón Baldursson
Þrír dómarar skiptust á að dæma leik KA og ÍBV
Mynd: Fótbolti.net - Hafliði Breiðfjörð
KA lagði ÍBV að velli 2-0 í Pepsi Max-deildinni í dag þökk sé tveimur mörkum á lokakafla leiksins.

Vilhjálmur Alvar Þórarinsson var dómari leiksins en meiddist eftir aðeins sjö mínútur. Gylfi Már Sigurðsson var aðstoðardómari og tók hann við flautunni á meðan Eðvarð Eðvarðsson, fjórði dómari, fékk flaggið í hendurnar.

Gylfi Már kláraði fyrri hálfleikinn og þegar leikmenn komu aftur inn á völlinn fyrir síðari hálfleik var hann kominn aftur á hliðarlínuna.

Sigurður Hjörtur Þrastarson tók við flautunni af Gylfa og brá Eðvarð sér aftur í starf fjórða dómara.




Athugasemdir
banner
banner
banner