Giggs er einn sigursælasti leikmaðurinn í ensku úrvalsdeildinni frá upphafi en hann vann úrvalsdeildina þrettán sinnum á 24 árum sínum hjá United.

Hann mætti oft afar öflugum leikmönnum en það var einn leikmaður sem reyndist honum erfiðari en allir aðrir. Það var Javier Zanetti, sem lék með Inter á Ítalíu.

„Erfiðasti leikmaður sem ég hef mætt er Javier Zanetti," sagði Giggs.

„Hann hljóp allan leikinn og spilaði eitt sinn á miðjunni þannig honum leið vel með boltann. Hann gat varist, var harður og nefbraut mig einu sinni í 8-liða úrslitum Meistaradeildarinnar. Hann var með alla þá eiginleika sem varnarmaður þarf," sagði hann ennfremur.