Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 25. júní 2018 10:35
Magnús Már Einarsson
Heimir: Verð ég á forsíðu Bleikt & Blátt?
Icelandair
Hörður Snævar kynnti sig frá tímaritinu Bleikt & Blátt.
Hörður Snævar kynnti sig frá tímaritinu Bleikt & Blátt.
Mynd: Fótbolti.net - Hafliði Breiðfjörð
Hörður Snævar Jónsson, ritstjóri 433.is, fékk Aron Einar Gunnarsson landsliðsfyrirliða til að skellihlægja á fréttamannafundi í dag fyrir leikinn gegn Króatíu á morgun.

Fréttamenn eiga að kynna frá hvaða fjölmiðli þeir eru áður en þeir bera upp spurningar á fréttamannafundum.

Hörður sagðist vera frá tímaritinu Bleikt og Blátt áður en hann bar upp spurninguna. Aron skellihló í smá tíma í kjölfarið.

„Þessi var góður Höddi, ég gef þér það," sagði Aron áður en hann svaraðu spurningunni.

Bleikt og Blátt var erótískt tímarit sem var gefið út í tæp tuttugu ár á Íslandi en útgáfu þess var hætt árið 2008.

Arnar Björnsson, frá Stöð 2, átti næstu spurningu og hann kynnti sig frá Lögbirtingablaðinu eftir glensið hjá Herði.

Viðstaddir höfðu gaman að gríninu hjá Herði og í lok fréttamannafundar sagði Heimir þjálfari brosandi: „Verð ég á forsíðunni hjá Bleikt & Blátt?"


Athugasemdir
banner
banner