„Þetta er hundfúlt og við erum mjög ósátt. Við lögðum helling í þennan leik og gátum klárað hann í fyrri hálfleik. Við fáum vissulega dauðafæri til þess,“ sagði Jakob Leó Bjarnason, vonsvikinn þjálfari Hauka, eftir 2-1 tap í grannaslag gegn FH.
Haukar fengu þrjú kjörin tækifæri til að komast yfir í leiknum og fór vítaspyrna meðal annars forgörðum.
Haukar fengu þrjú kjörin tækifæri til að komast yfir í leiknum og fór vítaspyrna meðal annars forgörðum.
Lestu um leikinn: Haukar 1 - 2 FH
„Það segir sig bara sjálft. Ef við klárum ekki víti og færi eins og þau komu þá vinnum við ekki leiki. Þetta voru algjör dauðafæri með stóru D-i og við fengum hellings tíma til að klára færin. Það er bara eins einfalt og það er,“ sagði Jakob Leó meðal annars um færanýtinguna.
FH náði svo forystunni með afar ódýru marki rétt fyrir leikhlé og Haukar því undir í hálfleik. Jakob Leó var ekki ánægður með síðari hálfleikinn hjá sínu liði.
„Ég er mjög ósáttur við seinni hálfleikinn. Við skorum hinsvegar gott mark. Það var virkilega vel spilað, flottur kross og vel klárað hjá Elínu. Það var eiginlega eina alvöru færið í seinni hálfleik og það segir sig sjálft, þá skorar maður ekki fleiri mörk.“
Upphaf tímabilsins hefur verið vonbrigði fyrir Hauka sem eru aðeins með 6 stig eftir 6 fyrstu umferðir mótsins.
„Með sigri hefðum við farið í alvöru toppbaráttu eins og við ætluðum okkur fyrir mót. Eftir tap í þessari viðueign erum við bara komnar í ansi djúpa holu. Þurfum að fara vel yfir málin og stokka spilin aftur,“ sagði Jakob Leó meðal annars en þjálfarinn er ítarlegu spjalli sem hlusta má á í spilaranum hér að ofan.
Athugasemdir