Hinn 15 ára gamli Luka Romero setti met í spænsku úrvalsdeildinni í gærkvöldi þegar hann kom inn á sem varamaður á 83. mínútu hjá Real Mallorca í 2-0 tapi gegn Real Madrid.
Romero er 15 ára og 219 daga en hann er þar með yngsti leikmaðurinn í sögu La Liga. Sanson, leikmaður Celta Vigo, átti fyrra metið en það var sett fyrir 80 árum síðan.
Romero er 15 ára og 219 daga en hann er þar með yngsti leikmaðurinn í sögu La Liga. Sanson, leikmaður Celta Vigo, átti fyrra metið en það var sett fyrir 80 árum síðan.
Romero fæddist í Mexíkó og hefur verið kallaður „mexíkóski Messi". Öll fjölskylda hans fæddist í Argentínu og draumur hans er að spila með argentínska landsliðinu í framtíðinni.
Þegar Romero var sjö ára æfði hann með Barcelona en á endanum flutti fjölskylda hans til Mallorca.
Þegar Romero var tólf ára hitti hann brasilíska varnarmanninn Dani Alves á strönd á Ibiza og þeir fóru að spila fótbolta. Þegar fólk kom og vildi mynd með Alves sagði Brasilíumaðurinn: „Takið myndir af honum en ekki mér. Hann er nýi Messi."
Romero er spáð miklum frama í fótboltanum en áhugavert verður að sjá framgöngu hans á næstu árum.
Athugasemdir