„Þetta er eitthvað sem við þurfum að skoða," segir Halldór Árnason, aðstoðarþjálfari Breiðabliks, en hann var ekki sáttur við að Kópavogsliðið hefði ekki nýtt yfirburði sína í fyrri hálfleik í kvöld til að skora fleiri mörk.

Blikar leiddu 1-0 í hálfleik en lentu svo undir áður en þeir tryggðu sér 3-2 sigur.

„Yfirburðirnir úti á vellinum voru miklir en ákvarðanirnar á síðasta þriðjungi voru ekki nægilega góðar. Það varð til þess að Keflavík komst inn í leikinn."