Gonzalo í leik með ÍA á síðasta tímabili. Hann klæðist ekki lengur gulu.
„Þetta er martröð. Ég er stoltur af mínum liðsfélögum, við vorum flottir í 90 mínútur en svona er fótboltinn," sagði Gonzalo Zamorano, markaskorari Ólafsvíkinga, við Einar Knútsson eftir leik Víkings Ó. og Víkings R. í bikarnum.
Lestu um leikinn: Víkingur Ó. 5 - 6 Víkingur R.
Framlengja þurfti leikinn eftir að Helgi Guðjónsson jafnaði leikinn í uppbótartíma. Ekkert var skorað í framlengingunni og Reykjavíkur Víkingar sigruðu eftir vítakeppni.
„Mér fannst við ekki það sérstaklega þreyttir en auðvitað vorum við farnir að þreytast. Þeir settu í næsta gír. Við ættum að vera stoltir af okkar frammistöðu."
„Markið mitt var gott en ég hefði verið glaðari ef við hefðum komist áfram. Við þurfum núna að einbeita okkur að næsta verkefni," sagði Gonzalo.
Viðtalið í heild sinni má sjá hér að ofan.
Athugasemdir
