Ari Leifsson var keyptur til Strömsgodset í vor og hefur spilað allar mínúturnar á nýju tímabili.
Ari er öflugur varnarmaður og spilaði allan leikinn í 2-3 sigri á útivelli gegn Sarpsborg í dag.
Ole Jorgen Halvorsen brenndi af vítaspyrnu í byrjun leiks en í heildina voru fjórar spyrnur dæmdar, tvær á hvort lið. Mikkel Maigaard skoraði úr tveimur vítum á þremur mínútum í fyrri hálfleik.
Ari og félagar hafa farið vel af stað og eru með sjö stig eftir þrjár umferðir. Sarpsborg er á botni norsku deildarinnar án stiga.
Sarpsborg 2 - 3 Strömsgodset
0-1 Mikkel Maigaard ('30, víti)
0-2 Mikkel Maigaard ('33, víti)
1-2 Mos ('52)
1-3 Johan Hove ('54)
2-3 Mos ('79, víti)
Í Svíþjóð lék Óskar Sverrisson fyrri hálfleikinn í tapi Häcken gegn Elfsborg. Óskari og Ali Youssef var skipt út í hálfleik þar sem þjálfarinn vildi taktíska breytingu.
Staðan var markalaus í hálfleik og voru gestirnir frá Elfsborg sterkari aðilinn eftir leikhlé.
Liðin áttust við í sænska bikarnum og eru Óskar og félagar úr leik. Elfsborg mætir annað hvort Hammarby eða Gautaborg í undanúrslitum.
Häcken 1 - 2 Elfsborg
0-1 R. Alm ('51)
1-1 L. Bengtsson ('58)
1-2 C. McVey ('71)
Athugasemdir