Haraldur Björnsson, markvörður Stjörnunnar, var borinn af velli snemma í seinni hálfleik þegar Stjarnan mætti Víkingi á Víkingsvelli í kvöld.
Halli fékk höfuðhögg þegar leikmaður Víkings, Nikolaj Hansen, fór í markvörðinn þegar hann reyndi að ná til boltans í teignum. Halli var borinn af velli og sjúkrabíll mætti skömmu síðar í Víkina og flutti Halla á sjúkrahús.
Halli fékk höfuðhögg þegar leikmaður Víkings, Nikolaj Hansen, fór í markvörðinn þegar hann reyndi að ná til boltans í teignum. Halli var borinn af velli og sjúkrabíll mætti skömmu síðar í Víkina og flutti Halla á sjúkrahús.
Lestu um leikinn: Víkingur R. 3 - 2 Stjarnan
Þorvaldur Örlygsson, þjálfari Stjörnunnar, var spurður út í stöðuna á Halla í viðtali eftir leik.
„Ég get ekki svarað því núna, hann rotaðist áðan og er með skurð. Staðan er ekki góð," sagði Toddi.
„Vonandi er allt í lagi með Halla, þetta var svakalegt samstuð sem þeir lentu í," sagði Arnar Gunnlaugsson, þjálfari Víkings.
Athugasemdir
