Jamie Carragher segir mikinn gæðamun vera þegar sex stærstu félögin eru skoðuð.

Manchester City og Liverpool séu langt á undan Tottenham, Manchester United, Chelsea og Arsenal. Carragher talaði um ótrúlega yfirburði City liðsins gegn Tottenham fyrir viku síðan (leikurinn endaði þó með 2-2 jafntefli) og leikurinn í gær hafi ýtt undir þessa skoðun hans.

„Leikirnir sýna að CIty og Liverpool eru langt á undan hinum liðunum. Tottenham og Arsenal hafa komið í heimsókn og verið yfirspiluð. Það lítur út fyrir að sama bil sé á þessum liðum og hinum eins og á síðustu leiktið."

Carragher og Neville hrósuðu þó Arsenal í leiknum og sáu jákvæða hluti frá Skyttunum.

„Mér fannst Arsenal góðir í fyrri hálfleiknum. Þeir héldu gegn pressu Liverpool en í seinni hálfleik átti liðið ekki séns," sagði Carragher.

Neville tók í svipaðan streng og gekk aðeins lengra í hrósinu.

„Þessi frammistaða Arsenal mun vinna marga útileiki fyrir þá, liðið spilaði þó betur í 4-3-3- heldur í demantamiðjunni sem liðið byrjaði í. Ég sá hluti frá Arsenal sem mér líst vel á, þeir gáfu allt í leikinn í dag," sagði Neville á Sky Sports í gær.