Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   mið 25. ágúst 2021 21:15
Daníel Smári Magnússon
Óskar Hrafn: Dýrmætt að ráða sínum eigin örlögum
Óskar Hrafn og hans menn sitja nú á toppi Pepsi Max deildarinnar.
Óskar Hrafn og hans menn sitja nú á toppi Pepsi Max deildarinnar.
Mynd: Fótbolti.net - Hafliði Breiðfjörð
„Mér líður bara mjög vel. Ég er sáttur við frammistöðuna í 70 mínútur, mér fannst fyrstu 15-20 mínúturnar hjá okkur heldur þreyttar og þungar, en eftir þann tíma þá fannst mér við vera mjög góðir. Mjög ánægður með liðið, ánægður með vinnuframlagið frá fremsta til aftasta manns,'' sagði Óskar Hrafn Þorvaldsson eftir 0-2 sigur Breiðabliks á KA í Pepsi Max deild karla í kvöld.

Lestu um leikinn: KA 0 -  2 Breiðablik

„Maður getur alls ekki gengið að því vísu að koma hingað á þennan erfiða heimavöll, þetta virki sem að KA er búið að búa til hérna og vinna - það er bara alls ekkert sjálfsagt.''

Blikar þurftu að standa af sér storm í byrjun þar sem að KA menn pressuðu þá stíft með fulla stúku á Greifavellinum á bakvið sig. Þeir unnu sig þó hægt og rólega inn í leikinn.

„Stundum er það bara þannig. Stundum fara menn öfugt í skóna eða eitthvað, ég veit ekki hvað það er. Þetta gerðist líka á móti Víking, þar sem að við byrjum aðeins þungir og ekki alveg í takti. Svo er bara ágætis gangur, það er sjálfstraust í liðinu og allir hjálpa hver öðrum, þannig að yfirleitt ná menn vopnum sínum,'' sagði Óskar.

Liðin mættust tvær umferðir í röð, sem er afar óeðlilegt en Blikar koma út úr þessari rimmu við KA 6 stigum ríkari. Var nálgunin öðruvísi að einhverju leyti?

„Við höfum stundum nálgast þetta þannig að við keyrum á okkar áherslum, en auðvitað þurfum við að taka tillit til styrkleika KA manna, því að þeir eru umtalsverðir og margir. Það voru ákveðnir hlutir sem við lærðum af fyrri leiknum og tókum í þennan. Sumt af því gekk, sumt af því gekk ekki.''

Eins og áður segir eru Blikar nú á toppi deildarinnar þegar fjórar umferðir eru eftir. Óskar tekur þeirri stöðu með mikilli ró en telur það dýrmætt að örlög Blika séu í þeirra höndum.

„Ég er auðvitað bara ánægður með að hafa unnið þennan leik og bara frekar dýrmætt að ráða sínum eigin örlögum. Ég held að það sé það mikilvægasta.''

Viðtalið má sjá í heild sinni í spilaranum hér að ofan.

Athugasemdir
banner