Championship: Huddersfield náði í sín fyrstu stig

Hinn 33 ára gamli Fraizer Campbell gerði eina mark leiksins er Huddersfield náði í sín fyrstu stig á tímabilinu.

Huddersfield tók á móti Nottingham Forest og var staðan markalaus eftir fjörugan og jafnan fyrri hálfleik.

Campbell skoraði í upphafi síðari hálfleiks og gerðu heimamenn vel að halda gestunum frá Nottingham í skefjum.

Huddersfield er með þrjú stig eftir þrjár umferðir. Nottingham er áfram án stiga.