Slúðurpakki dagsins, tekinn saman af BBC, er klár. Rashford, De Gea, Bellingham, Maddison og De Jong koma meðal annars fyrir í pakkanum.
Manchester United vill semja við Marcus Rashford og ætlar að virkja eins árs framlengingu á samningi hans ef ekki næst samkomulag fyrir áramót. (Daily Star)
Man Utd er að íhuga hvort félagið ætli að virkja samskonar ákvæði í samningi David de Gea eða hleypa honum burt frá félaginu á frjálsri sölu. De Gea er 31 árs og er meðal launahæstu leikmanna Rauðu djöflanna. (Telegraph)
Jude Bellingham, 19, er falur fyrir 85 milljónir punda næsta sumar ef borgað verður fyrir hann í einni greiðslu. Manchester City telur sig leiða kapphlaupið þar sem Liverpool, Chelsea og Man Utd eru öll áhugasöm. (Sun)
Newcastle mistókst að kaupa James Maddison, 25, frá Leicester í sumar en ætlar að reyna aftur í janúar þegar Maddison mun aðeins eiga 18 mánuði eftir af samningi. (Football Insider)
Atletico Madrid er að skoða Emiliano Martinez, þrítugan markvörð Aston Villa, sem mögulegan arftaka fyrir hinn eftirsótta Jan Oblak. (Mirror)
Mauricio Pochettino hefur áhuga á að taka við Aston Villa ef Steven Gerrard verður látinn taka pokann sinn. Pochettino er án starfs og er sagður hafa hafnað tækifærinu til að taka við OGC Nice á dögunum. (Football Insider)
Arsenal er að fylgjast með Lovro Majer, 24 ára miðjumanni Rennes og króatíska landsliðsins. (Mirror)
Chelsea er reiðubúið til að borga 30 milljónir punda fyrir táninginn Luke Harris. Harris er ekki nema 17 ára gamall og var kallaður upp í landsliðshóp Wales fyrir leikina gegn Belgíu og Póllandi í landsleikjahlénu. (Mirror)
Allan, 31 árs miðjumaður Everton og brasilíska landsliðsins, er búinn að samþykkja samningstilboð frá Al-Wahda í Sameinuðu arabísku Furstadæmunum. (Football Insider)
Danny Rose, 32, er í samningsviðræðum við Wigan sem leikur í Championship deildinni. Rose gerði garðinn frægan hjá Tottenham og á 29 leiki að baki fyrir enska A-landsliðið. (Sun)
Barcelona ætlar að ræða við Frenkie de Jong, 25, eftir tímabilið og fara yfir peningamálin. Barca er talið skulda De Jong væna fúlgu fjárs eftir að hollenski miðjumaðurinn neitaði að taka á sig launalækkun í Covid faraldrinum. (Que T'hi jugues)
Sergio Busquets, 34, verður samningslaus næsta sumar og hefur verið orðaður við brottför til Bandaríkjanna þar sem hann myndi spila í MLS deildinni. Busquets segist enn eiga eftir að taka ákvörðun varðandi framtíðina. (90min)
Barcelona vill framlengja samninginn sem Hector Bellerin, 27, skrifaði undir á dögunum. Bellerin er á eins árs samningi og tókst að hrífa þjálfarateymið. Hann stóð sig vel á láni hjá Real Betis á síðustu leiktíð. (Fichajes)
