Diego, sem á 3 landsleiki að baki fyrir Ísland, hefur verið mikið í kuldanum á árinu og var síðast í byrjunarliði Oviedo þegar liðið gerði 1-1 jafntefli við Extremadura 19. september 2019.

Diego spilaði fyrstu 60 mínúturnar í dag og var skipt af velli í stöðunni 0-0. Nokkrum sekúndum síðar komust heimamenn í Leganes yfir áður en Borja Baston innsiglaði sigurinn þeirra á 87. mínútu.

Gestirnir í Oviedo minnkuðu muninn með marki í uppbótartíma en það dugði ekki til.

Leganes stefnir beint aftur upp í efstu deild og var þetta þriðji sigur liðsins í röð. Oviedo er aðeins með sjö stig eftir átta fyrstu umferðirnar.

Leganes 2 - 1 Real Oviedo
1-0 G. Shibasaki ('61)
2-0 Borja Baston ('87)
2-1 S. Obeng ('93)

Í efstu deild áttust Getafe og Granada við í nokkuð tíðindalitlum slag. Angel Montoro gerði eina mark leiksins úr vítaspyrnu undir lok fyrri hálfleiks.

Það hefur verið skorað lítið af mörkum í spænska boltanum í ár og urðu lokatölurnar í Getafe 0-1.

Granada er búið að jafna Real Madrid á toppi deildarinnar með sigrinum. Getafe er þremur stigum á eftir.

Getafe 0 - 1 Granada
0-1 Angel Montoro ('45, víti)