Spánn í dag - Sociedad getur endurheimt toppsætið

Cadiz og Villarreal eigast svo við í spennandi leik þar sem nýliðar Cadiz hafa farið vel af stað og höfðu betur gegn Spánarmeisturum Real Madrid í síðustu umferð.

Villarreal er í þriðja sæti sem stendur með ellefu stig eftir sex umferðir, einu stigi fyrir ofan Cadiz.

Getafe tekur þá á móti Granada í öðrum áhugaverðum slag þar sem bæði þessi lið stefna á Evrópubaráttu á tímabilinu.

Real Sociedad og Huesca mætast í síðasta leik kvöldsins. Þar getur Sociedad hirt toppsæti deildarinnar með sigri, en Huesca er enn án sigurs eftir sex umferðir.

Leikir dagsins:
13:00 Valladolid - Alaves
15:00 Cadiz - Villarreal
17:30 Getafe - Granada CF
20:00 Real Sociedad - Huesca