Strákarnir mæta Hvíta-Rússlandi í lokaleik sínum í milliriðli.

Hingað til hefur Ísland unnið Slóveníu 2-1 og gert 3-3 jafntefli gegn Þýskalandi.

Fyrir leikinn í dag er Ísland á toppi riðilsins með fjögur stig. Hvíta-Rússland og Þýskaland eru með tvö stig og Slóvenía er með eitt stig.

Með sigri í dag vinnur Ísland riðilinn og fer á EM. Ef drengirnir gera jafntefli þá er eitt af efstu tveimur sætum riðilsins tryggt, en ef liðið tapar þá þurfum við að treysta á að úrslitin í leik Slóveníu og Þýskalands verði okkur hagstæð.

Efsta liðið í riðlinum fer beint á EM. Einnig komast sjö bestu liðin með bestan árangur í öðru sæti áfram. Það eru átta riðlar.

Leikurinn í dag hefst klukkan 11:00 að íslenskum tíma. Áfram Ísland!