Tottenham mætir Ajax í fyrri leik liðanna í undanúrslitum Meistaradeildarinnar næsta þriðjudag.

Fótboltayfirvöld í Hollandi ákváðu að fresta leikjum helgarinnar í hollensku deildinni til að gefa Ajax meiri tíma til að búa sig undir viðureignina við Tottenham.

„Ég trúði því ekki þegar ég heyrði hvað Hollendingarnir væru að gera. Það væri gott ef fólk á Englandi tækju svipaða ákvörðun og myndi hjálpa okkur," segir Danny Rose.

Ungt og skemmtilegt lið Ajax hefur komið á óvart í Meistaradeildinni og segir Eric Gudde, forseti hollenska knattspyrnusambandsins, að ákveðið hafi verið að fresta umferð helgarinnar með hagsmuni hollenska fótboltans í heild sinni að leiðarljósi.