31. umferð þýsku Bundeslígunnar fer fram um helgina.

Umferðin hefst í kvöld með leik Augsburg og Bayer Leverkusen. Alfreð Finnbogason verðu fjarri góðu gamni í kvöld og spilar ekki meira með á leiktíðinni eftir að hafa farið í aðgerð.

Revier slagurinn fer fram á laugardaginn þegar Schalke heimsækir Dortmund í nágrannaslag. Schalke er svo gott sem öruggt með sæti sitt í deildinni eftir arfaslaka leiktíð. Dortmund er stigi á eftir toppliði Bayern Munchen.

Stuttgart fær Mönchengladbach í heimsókn í lokaleik laugardagsins. Stuttgart er í þriðja neðsta sæti deildarinnar og þarf að vinna upp sex stiga forskot sem Schalke hefur á liðið til þess að koma í veg fyrir að lenda í fallumspili.

Nurnberg fær topplið Bayern í heimsókn í lokaleik umferðarinnar á sunnudaginn. Nurnberg er þremur stigum á eftir Stuttgart og situr í næst neðsta sæti deildarinnar.

Bayern hefur verið á góðu róli undanfarið og hefur náð í 40 af 45 stigum mögulegum í síðustu fimmtán leikjjum. Dortmund hefur á sama tíma aðeins náð í 30 stig.