Belgíski miðjumaðurinn spilaði með Roma frá 2014 til 2018 þar sem hann var í lykilhlutverki á miðjunni áður en hann samdi við Inter.

Hann átt í vandræðum með að festa sig í sessi hjá Inter og var hann lánaður til Cagliari fyrir þetta tímabil. Þar hefur hann fundið taktinn en hann segist opinn fyrir því að snúa aftur til Roma.

„Ég myndi fara aftur til Roma ef ákveðnum skilyrðum er mætt," sagði Nainggolan.

„Það er alltaf möguleiki. Ég eyddi frábærum árum í Róm þar sem ég er elskaður og þar sem ég gaf allt mitt fyrir félagið," sagði hann á Instagram.