Ísland tapaði 2-1 fyrir Króatíu í lokaleik sínum á HM í Rostov í kvöld. Íslenska liðið fékk fjölmörg góð færi í leiknum en Ivan perisic skoraði sigurmarkið í lokin þegar Ísland hafði fjölgað í sókninni.
Hér má sjá einkunnagjöf Fótbolta.net frá Rostov við Don.
Hér má sjá einkunnagjöf Fótbolta.net frá Rostov við Don.
Hannes Þór Halldórsson 6
Hefði mögulega getað gert betur í síðara marki Króata. Annars mjög öruggur.
Birkir Már Sævarsson 6
Var í basli í fyrra marki Íslands. Átti ógnandi spretti í fyrri hálfleik.
Ragnar Sigurðsson 7 ('70)
Öflugur á heimavelli í Rostov. Var tekinn af velli þegar fjölgað var í sókninni síðustu 20 mínúturnar.
Sverrir Ingi Ingason 8
Ógnaði mikið í föstum leikatriðum. Var mjög nálægt því að skora. Hljóp næstmest í íslenska liðinu og barðist gríðarlega vel.
Hörður Björgvin Magnússon 7
Átti ágætis leik. Ógnaði í föstum leikatriðum sóknarlega.
Jóhann Berg Guðmundsson 7
Átti mjög góða spretti í leiknum og var ógnandi.
Emil Hallfreðsson 9
Var gjörsamlega frábær. Sérstaklega fyrsta klukkutímann.
Aron Einar Gunnarsson 8
Var á fullu allan tímann. Ógnaði meira sóknarlega en oft áður og var nálægt því að skora í fyrri hálfleik.
Birkir Bjarnason 6 ('90)
Nefbrotnaði snemma leiks og það virtist trufla hann. Kom sér í tvö góð færi en náði ekki að skora.
Gylfi Þór Sigurðsson 7
Fékk víti og sýndi stáltaugar með því að skora úr því. Hefur þó oft verið meira í boltanum en í dag.
Alfreð Finnbogason 8 ('83)
Gríðarlega vinnusamur. Komst sjálfur í gott færi í fyrri hálfleik en skaut hárfínt framhjá. Var að komast í góðar stöður en stundum vantaði upp á lokasendinguna.
Varamenn:
Björn Bergmann Sigurðarson 7 ('70)
Kom af krafti inn á í leik á heimavelli sínum í Rostov.
Albert Guðmundsson ('83)
Spilaði of stutt til að fá einkunn.
Arnór Ingvi Traustason ('90)
Spilaði of stutt til að fá einkunn.
Athugasemdir