35 stiga hiti er í Rostov við Don þegar þetta er skrifað og spennan er að magnast fyrir leik Íslands og Króatíu klukkan 18:00 í kvöld.
„Mér skilst að veðrið sé svipað heima," sagði Klara Bjartmarz, framkvæmdastjóri KSÍ, létt í bragði við Fótbolta.net í dag. „Við getum ekki vælt. Ég held að einhver heima myndi lemja okkur ef við myndum gera það. Það er sól og sumar."
Klara spáir Íslandi 2-1 sigri gegn Króatíu í kvöld. ,.Það er ró yfir mannskapnum. Við erum tilbúin og munum fara þarna inn til að gera okkar besta," sagði Klara en hún er mjög ánægð með dvölina á Íslandi.
„Ég hef lengi verið aðdáandi Moskvu og Rússlands. Það hefur verið gert grín að mér í mörg ár en loksins er einhver sammála mér."
„Maturinn er góður, fólkið er yndislegt, margt að sjá og margt að upplifa. Auðvitað er margt sem er ekki í lagi í mannréttindamálum hér en það er tekið mjög vel á móti okkur."
Hér að ofan má sjá viðtalið í heild sinni en þar hrósar hún meðal annars öryggisgæslunni í Rússlandi.
Athugasemdir