Þessi fimmtugi Króati var rekinn frá West Ham 2017 og var ráðinn til Sádi-Arabíu en entist aðeins í fimm mánuði þar.

„Viðbrögðin við þessu hafa verið góð og þetta er stærsta áskorun ferilsins. Flestir eru ánægðir en margir spyrja, afhverju West Brom?"

„Ég pæli ekki í stærð félagsins. Þetta er frábært tækifæri fyrir mig og ég er þakklátur," segir Bilic.

„Ég er ekki að segja að þetta sé stærra en að þjálfa í ensku úrvalsdeildinni. Þetta er það sem ég vildi og sóttist eftir."

Hann tekur við West Brom af Darren Moore sem var rekinn í mars.