Þróttarar náðu sér aldrei á strik eftir að hafa skorað fyrra markið og náð manni fleiri
Þórhallur Siggeirsson
Þórhallur Siggeirsson, þjálfari Þróttar, var mjög svekktur eftir tap kvöldsins gegn Fram. Þróttur komst yfir strax á 4. mínútu eftir mark frá Daða Bergssyni og voru manni fleiri seinasta hálftímann en þrátt fyrir það þá komu þeir sér aldrei almennilega á skrið í leiknum.
Lestu um leikinn: Fram 2 - 1 Þróttur R.
Hvað finnst þér um leikinn?
„Þetta var vondur ósigur, náðum aldrei almennilegum takt í þetta hjá okkur og meira að segja eftir að við vorum einum fleiri þá gáfu þeir í. Fram liðið er gott og urðu betri eftir því sem leið á leikinn og við náum aldrei að stöðva þá þróun. Í rauninni áttum við aldrei neitt skilið nema nákvæmlega þetta."
Þið náðuð góðu marki strax í byrjun, hvað gerðist svo í seinni hálfleik?
„Við bara náðum aldrei takt, náðum aldrei að tengja sendingar eða stýra leiknum. Vorum ekki í formi í hvorki sóknar- né varnarleik og vorum að fá þá á okkur í hlaupum sem við réðum illa við. Fram er mjög vel spilandi lið og við lentum í tómum vandræðum með þá"
Hvað finnst þér þurfa að bæta fyrir næsta leik?
„Við þurfum bara að lemja okkur saman. Erum að fara næst í hörkuleik á móti Magna og við þurfum að fara yfir þennan leik og átta okkur á því hvað þarf að gera betur, því við þurfum heldur betur að vera tilbúnir í þann leik"
Athugasemdir
