Aaron Wan-Bissaka lenti í Manchester-borg í kvöld. Hann er að ganga í raðir Manchester United.
David Ornstein og Simon Stone hjá BBC sögðu frá því í dag að samkomulag hefði náðst á milli Manchester United og Crystal Palace um Wan-Bissaka. United borgar allt að 50 milljónir punda fyrir þennan 21 árs gamla hægri bakvörð.
Hann verður fimmti dýrasti leikmaður í sögu United á eftir Paul Pogba, Romelu Lukaku, Angel Di Maria og Fred.
Ornstein segir að Wan-Bissaka sé mættur til Manchester til að klára skiptin. Hann mun gangast undir læknisskoðun og klára samningamál sín á morgun. Talið er að hann muni skrifa undir fimm ára samning með möguleika á framlengingu um eitt ár.
Hann verður annar leikmaðurinn sem Man Utd fær í sumar á eftir Daniel James, efnilegum kantmanni sem kom frá Swansea fyrir 15 milljónir punda.
Athugasemdir