Lestu um leikinn: KA 0 -  0 KR

Það var dæmt mark af KA og KA klúðraði vítaspyrnu á síðustu 10 mínútunum leiksins.

„En þar sem leikurinn þróaðist, skora mark sem ég tel að sé 100% löglegt og fá svo víti og klúðra því þá finnst manni eins og við hafið tapað tveimur stigum en ánægður með frammistöðu leikmanna. Leikmenn eru að leggja sig gríðarlega mikið fram, þéttur varnarleikur og við komum okkur oft í fínar stöður. Næst á dagskrá er að vinna betur í því að komast í enn betri stöður og skapa meira.“

Arnar var sáttur við spilamennskuna.

„Við gerðum í raun og veru nóg í þessum leik til að fara með þrjú stig en við vorum óheppnir að dómarinn sá ekki að þetta var löglegt mark.“

Arnar telur að markið hafi verið löglegt sem KA skorar.

„Ég hef aldrei upplifað þetta. Ég hef alveg séð þegar er verið að spegúlera í rangstöðu en það er markmaðurinn sem kixar boltanum og Ásgeir er ekki nálægt. Guðmundur setur boltann í autt markið en ég eftir að sjá þetta betur. Ég skil ekki hvernig þetta gat ekki verið mark. Það er dapurt þegar það er svona stór ákvörðun að dómarinn skuli ekki hafa farið og rætt við og gefið sér 30-40 sekúndur að athuga og ræða.“

KA hefur ekki fengið á sig mark síðan Arnar tók við.

„Það er ekki nóg með að við séum að halda hreinu að þá höfum við nánast ekki fengið færi á okkur. KR fékk sitt besta færi eftir að við skorum markið. Þá fékk Atli Sigurjóns þeirra besta færi. Fram að því var ekki mikið í gangi.“

Almarr, Ásgeir og Guðmundur eru vanalega í byrjunarliðinu en voru það ekki í dag.

„Það var bara verið að rótera í liðinu. Það er verið að spila mjög þétt og þá þarf að reyna að nýta breiddina á hópnum.“

Arnar var að lokum spurður um framhaldið hjá KA.

„Ég er bara búinn að vera hér í viku þannig að við skulum bara vera alveg róleg með það. Vonandi getum við komið KA á réttan stað í töflunni.“

Viðtalið má sjá í heild sinni hér að ofan.