Swansea með yfirhöndina gegn Brentford
Swansea 1 - 0 Brentford
1-0 Andre Ayew ('81 )
Rautt spjald: Rico Henry, Brentford ('66)
1-0 Andre Ayew ('81 )
Rautt spjald: Rico Henry, Brentford ('66)
Andre nokkur Ayew reyndist hetja Swansea er liðið tók á móti Brentford í fyrri leik liðanna í undanúrslitaeinvíginu í úrslitakeppni Championship-deildarinnar.
Þetta var hörkuleikur en það dró til tíðinda á 63. mínútu þegar Swansea fékk vítaspyrnu. Ayew fór á vítapunktinn en David Raya sá við honum.
Stuttu síðar fékk Rico Henry, bakvörður Brentford, að líta rauða spjaldið fyrir groddaralega tæklingu. Ayew breyttist svo úr skúrki í hetju á 81. mínútu þegar hann skoraði fallegt mark. Það reyndist sigurmarkið.
Lokatölur 1-0 fyrir Swansea en liðin mætast í London í vikunni. Þá ræðst hvaða lið spilar til úrslita um sæti í ensku úrvalsdeildinni.
Athugasemdir