„Ég held þú hafir ekki viljað vita fyrstu viðbrögð eftir leik en maður er aðeins búinn að róast. Erum andskoti miklir klaufar að tapa þessu niður. Erum 2-0 yfir þegar hálftími er eftir. Eins og Bjössi sagði eftir síðasta leik þá er þetta saga sumarsins, erum að hleypa liðum inn í leikina og spurning um að stíga aðeins upp," sagði Guðmundur Magnússon, einn af markaskorurum Grindavíkur, eftir jafntefli gegn Magna í dag.
Lestu um leikinn: Magni 3 - 3 Grindavík
„Svona gerist í íþróttum, við erum ekkert eina liðið sem lendir í svona. Við slökum kannski aðeins á."
Jafnteflið var það fimmta í röð. Það getur ekki verið ásættanlegt?
„Nei, það er ekki gott en á meðan við erum ekki að tapa leikjunum þá er það eitt og sér jákvætt. Við verðum að fara vinna leikina þegar við erum komnir í 2-0 eins og í dag."
„Þetta er þungt en menn fá tíma á heimleiðinni til að hugsa málin. Menn verða að núllstilla sig og koma sterkari til baka eftir smá frí," sagði Gummi að lokum.
Viðtalið í heild sinni má sjá í spilaranum hér að ofan.
Athugasemdir