„TV kemur inn og skorar bara screamer"
„Fyrstu viðbrögð eru góð en samt frekar skrítið. Við byrjuðum illa og gáfum tvö mörk úr leikatriðum. Svo kemur TV [Tómas Veigar Eiríksson] inn og skorar bara 'screamer', svo fáum við á okkur skítamark og ég kem inn á í kjölfarið," sagði Rúnar Þór Brynjarsson, hetja Magna, gegn Grindavík í dag.
Lestu um leikinn: Magni 3 - 3 Grindavík
Freyþór Hrafn Harðarson fékk slæmt höfuðhögg þegar skammt var eftir og Rúnar kom inn á í hans stað. Er í lagi með Freyþór?
„Hann er ælandi inn í klefa en hann verður góður á morgun."
Sagði Sveinn, þjálfari Magna, eitthvað við Rúnar áður en hann fór inn á?
„Hann segir ekki neitt. Það er bara kallað á mig og ég drifinn inn á. Ég sagði við strákana á bekknum að ég myndi skora. Ég lýg því ekki neit, ég sagði það við þá."
Mark Rúnars kom á 96. mínútu eftir hornspyrnu. Hvernig kom boltinn til Rúnars?
„Ég var bara klár að lúra á fjær og fékk boltann þar."
Viðtalið í heild sinni má sjá í spilaranum hér að ofan.
Athugasemdir