mán 26. júlí 2021 09:30
Guðmundur Aðalsteinn Ásgeirsson
Sambía slær í gegn - Banda skráði sig á spjöld sögunnar
Sambía er stórskemmtilegt lið.
Sambía er stórskemmtilegt lið.
Mynd: Getty Images
Það er óhætt að segja að Sambía sé skemmtilegasta lið Ólympíuleikanna.

Sambía hefur spilað tvo leiki á mótinu og í þessum leikjum hafa verið skoruðu 21 mark - hvorki meira né minna.

Það er ávallt veisla þegar Sambía spilar. Þær töpuðu 10-3 í fyrsta leik gegn Hollandi en náðu svo mjög óvæntu jafntefli gegn Kína í öðrum leik sínum, 4-4.

Með því að ná í eitt stig í erfiðum riðli sínum hefur Sambía nú þegar komið á óvart í mótinu. Einn leikmaður liðsins skráði sig líka á spjöld sögunnar á mótinu. Barbra Banda, fyrirliði liðsins, er búin að skora þrennu í báðum leikjum Sambíu til þessa og er hún fyrsta konan sem skorar þrennu í tveimur leikjum á sömu Ólympíuleikunum.

Virkilega vel gert hjá henni en Sambía er í möguleika á að komast áfram fyrir lokaumferð riðilsins. Sambía mætir Brasilíu í lokaumferð riðilsins á þriðjudag.


Athugasemdir
banner
banner
banner
banner