Fróði Benjaminsen, fyrrum fyrirliði færeyska landsliðsins, spilaði sinn 500. leik í færeysku úrvalsdeildinni þegar lið hans Skála tapaði 1-0 gegn Víkingi í gærkvöldi.
Hinn 41 árs gamli Fróði spilaði sinn fyrsta leik í færeysku úrvalsdeildinni árið 1994.
Fróði hefur leikið allan sinn feril í færeysku úrvalsdeildinni fyrir utan árið 2004 þegar hann spilaði með Fram á Íslandi.
Fróði spilaði einnig 94 landsleiki með færeyska landsliðinu á árunum 1999-2007. Þá á hann að baki 88 leiki í færeyska bikarnum.
Fróði hefur ekki gefið ennþá út hvort hann ætli að halda áfram í boltanum eftir þetta tímabil.
Í dag er Fróði einnig þjálfari hjá U13 ára liði Skála en sonur hans er í því liði.
Athugasemdir