Bennett, sem er 23 ára gamall, kíkti með liðsfélögum sínum á næturlífið á þriðjudaginn en hann ákvað að keyra bifreið sína heim sem endaði með þeim afleiðingum að Richard Keogh, fyrirliði Derby, meiddist og verður hann frá út tímabilið.

Tom Lawrence var einnig með þeim í bílnum en nú er myndband komið í dreifingu sem sýnir Bennett vera ælandi á baðherbergi og ljóst að hann hafði drukkið mikið og var í annarlegu ástandi.

Bíllinn hafnaði á ljósastaur og hafa þeir Lawrence og Bennett verið ákærðir fyrir ölvunarakstur en ljóst er að Derby gæti refsað þeim enn frekar en hægt er að sjá myndbandið hér fyrir neðan.