fim 26. september 2019 22:07
Brynjar Ingi Erluson
Sjáðu sendinguna: Augnakonfekt í boði Ödegaard
Martin Ödegaard
Martin Ödegaard
Mynd: Getty Images
Norski miðjumaðurinn Martin Ödegaard er farinn að sýna sparihliðarnar í spænsku deildinni í ár en hann átti frábæra stoðsendingu í 3-0 sigri Real Sociedad á Deportivo Alaves í kvöld.

Ödegaard, sem er 20 ára gamall, var keyptur til Real Madrid frá Stromsgodset árið 2015 en hann þótt þá einn efnilegasti leikmaður heims.

Hann spilaði með unglinga- og varaliði Real Madrid til að byrja með en hann hefur þó aðeins spilað tvo leiki með aðalliðinu og verið lánaður síðustu þrjú tímabil.

Ödegaard var frábær með Vitesse á síðustu leiktíð þar sem hann skoraði 11 mörk í 39 leikjum en hann er búinn að skora 2 mörk og leggja upp eitt mark í sex leikjum fyrir Sociedad á þessari leiktíð.

Hægt er að sjá stoðsendingu hans gegn Alaves í kvöld hér fyrir neðan en hann átti þá hnitmiðaða sendingu á Mikel Oyarzabal sem skoraði.


Athugasemdir
banner
banner
banner