Zlatan er 37 ára gamall en virðist þó ferskari en nokkru sinn fyrr en hann hefur skorað 28 mörk í 27 leikjum í MLS-deildinni á tímabilinu og þá lagt upp sex.

Það er aðeins einn maður sem slær honum við og er það mexíkóski sóknarmaðurinn Carlos Vela sem hefur skorað 30 mörk í 29 leikjum en hann leikur fyrir nágranna Galaxy, Los Angeles FC.

Galaxy tryggði sig í umspilið með sigrinum í gær, sem er mikill léttir enda komst félagið ekki í umspilið á síðasta tímabili. Zlatan og félagar virðast í góðum gír.