Brighton 2 - 3 Man Utd
1-0 Neal Maupay ('40, víti)
1-1 Lewis Dunk ('43, sjálfsmark)
1-2 Marcus Rashford ('55)
2-2 Solly March ('95)
2-3 Bruno Fernandes ('100, víti)
1-0 Neal Maupay ('40, víti)
1-1 Lewis Dunk ('43, sjálfsmark)
1-2 Marcus Rashford ('55)
2-2 Solly March ('95)
2-3 Bruno Fernandes ('100, víti)
Rauðu djöflarnir eru komnir með sín fyrstu stig á nýju úrvalsdeildartímabili eftir heppnissigur gegn Brighton.
Heimamenn voru betri í leiknum og tóku forystuna á 40. mínútu þegar Neal Maupay skoraði úr vítaspyrnu eftir klaufalegt brot Bruno Fernandes innan vítateigs.
Man Utd var ekki lengi að jafna en það gerðist eftir aukaspyrnu. Harry Maguire reyndi að koma knettinum aftur út í teig en hann fór af Lewis Dunk og í netið, ansi óheppilegt sjálfsmark.
Marcus Rashford skoraði í upphafi síðari hálfleiks en markið dæmt af vegna rangstöðu. Skömmu síðar skoraði Rashford aftur og í þetta sinn var engin rangstæða. Frábært mark hjá Rashford sem tætti vörn Brighton í sundur áður en hann skoraði.
Heimamenn tóku aftur völdin á vellinum og fengu mikið af færum en inn vildi boltinn ekki þar til í blálokin, þegar Solly March náði að gera jöfnunarmark á 95. mínútu.
Jöfnunarmarkið var gífurlega verðskuldað en gestirnir frá Manchester voru ekki hættir og fengu vítaspyrnu á 98. mínútu þegar boltinn fór í hendi Neal Maupay innan vítateigs.
Harry Maguire skallaði boltann í hendina á Maupay og vítaspyrna réttilega dæmd.
Chris Kavanagh dómari flautaði leikinn af en hljóp svo að VAR skjánum og dæmdi vítaspyrnu, sem Bruno Fernandes skoraði úr.
Rauðu djöflarnir stálu því sigrinum á 100. mínútu leiksins eftir að hafa verið lakari aðilinn.
Þess má geta að Brighton skaut fimm sinnum í stöng og slá í leiknum.
Man Utd er því komið með þrjú stig eftir tvær umferðir. Brighton er með þrjú stig eftir þrjár umferðir.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 33 | 21 | 7 | 5 | 63 | 26 | +37 | 70 |
| 2 | Man City | 32 | 20 | 7 | 5 | 65 | 29 | +36 | 67 |
| 3 | Man Utd | 33 | 16 | 10 | 7 | 58 | 45 | +13 | 58 |
| 4 | Aston Villa | 33 | 17 | 7 | 9 | 47 | 41 | +6 | 58 |
| 5 | Liverpool | 33 | 16 | 7 | 10 | 54 | 43 | +11 | 55 |
| 6 | Chelsea | 33 | 13 | 9 | 11 | 53 | 42 | +11 | 48 |
| 7 | Brentford | 33 | 13 | 9 | 11 | 48 | 44 | +4 | 48 |
| 8 | Bournemouth | 33 | 11 | 15 | 7 | 50 | 50 | 0 | 48 |
| 9 | Brighton | 33 | 12 | 11 | 10 | 45 | 39 | +6 | 47 |
| 10 | Everton | 33 | 13 | 8 | 12 | 40 | 39 | +1 | 47 |
| 11 | Sunderland | 33 | 12 | 10 | 11 | 36 | 40 | -4 | 46 |
| 12 | Fulham | 33 | 13 | 6 | 14 | 43 | 46 | -3 | 45 |
| 13 | Crystal Palace | 31 | 11 | 9 | 11 | 35 | 36 | -1 | 42 |
| 14 | Newcastle | 33 | 12 | 6 | 15 | 46 | 49 | -3 | 42 |
| 15 | Leeds | 33 | 9 | 12 | 12 | 42 | 49 | -7 | 39 |
| 16 | Nott. Forest | 33 | 9 | 9 | 15 | 36 | 45 | -9 | 36 |
| 17 | West Ham | 32 | 8 | 8 | 16 | 40 | 57 | -17 | 32 |
| 18 | Tottenham | 33 | 7 | 10 | 16 | 42 | 53 | -11 | 31 |
| 19 | Burnley | 33 | 4 | 8 | 21 | 34 | 67 | -33 | 20 |
| 20 | Wolves | 33 | 3 | 8 | 22 | 24 | 61 | -37 | 17 |
