Á morgun þriðjudag verður seinni viðureign U21 landsliða Tékklands og Íslands í umspili fyrir lokakeppni Evrópumótsins. Tékkarnir eru í bílstjórasætinu eftir 2-1 sigur á Íslandi en okkar menn hafa fulla trú á því að þeir geti snúið dæminu við.
Ein mesta vonarstjarna Tékka, Adam Karabec, var ekki með í fyrri leiknum vegna smávægilegra meiðsla en ferðaðist með hópnum til Íslands. Hann hefur æft eftir að liðið kom heim til Tékklands og tekur því þátt í seinni leiknum.
Ein mesta vonarstjarna Tékka, Adam Karabec, var ekki með í fyrri leiknum vegna smávægilegra meiðsla en ferðaðist með hópnum til Íslands. Hann hefur æft eftir að liðið kom heim til Tékklands og tekur því þátt í seinni leiknum.
Hann æfði á keppnisvellinum í České Budějovice í dag með liðsfélögum sínum en heimamenn tóku æfingu áður en íslenska liðið tók sína æfingu. Fjölmiðlafulltrúi tékkneska liðsins segir að allir leikmenn heimamanna séu klárir í slaginn.
Arnar Laufdal, fréttamaður Fótbolta.net, fjallaði um Karabec í síðustu viku en greinina má lesa með því að smella hérna.
Karabec er talinn vera mest spennandi miðjumaður sem sést hefur í Tékklandi síðan að Tomas Rosicky skaust á sjónarsviðið á byrjun 21. aldarinnar.
Fótbolti.net er í Tékklandi og færir ykkur fréttir í aðdraganda leiksins en hann hefst klukkan 16 að íslenskum tíma á morgun, 18 að staðartíma.
Athugasemdir