Argentínski sóknarmaðurinn Lucas Alario gerði bæði mörkin er Bayer Leverkusen lagði Augsburg að velli í eina leik kvöldsins í þýska boltanum.

Alfreð Finnbogason var ekki í hópi Augsburg vegna vöðvameiðsla en hann verður vonandi klár fyrir næsta landsleikjahlé þegar Ísland mætir Ungverjalandi í úrslitaleik um sæti á EM á næsta ári.

Leverkusen var betri aðilinn í dag og skoraði Alario eina markið í fyrri hálfleiknum úr vítaspyrnu.

Daniel Caligiuri minnkaði muninn í upphafi síðari hálfleiks en Leverkusen hélt áfram að vera við stjórn og kom Alario heimamönnum yfir á nýjan leik.

Gestirnir frá Augsburg lögðu allt í sóknarleikinn í uppbótartíma en þeim var refsað af kantmanninum leiftursnögga Moussa Diaby sem innsiglaði sigur heimamanna á 94. mínútu.

Leverkusen er í fjórða sæti eftir sigurinn, með níu stig eftir fimm umferðir. Augsburg er með sjö stig.