HM í dag - Danir mæta Frökkum og Messi spilar við Mexíkó

Í dag verður önnur umferðin í C- og D-riðlum HM. Fótboltaveislan heldur áfram og gríðarlega góðir réttir á boðstólnum þennan laugardaginn.

Argentínumenn eiga kvöldleikinn og hreinlega verða að vinna Mexíkó eftir að hafa tapað óvænt fyrir Sádi-Arabíu í fyrstu umferðinni. Ná Lionel Messi og hans vinir að sýna sitt rétta andlit í kvöld?

Í D-riðlinum verður spennandi að sjá heimsmeistara Frakka leika við frændur okkar í Danmörku. Danir náðu ekki nægilega góðum takti í fyrstu umferðinni þegar þeir gerðu jafntefli við Túnis en Frakkar eru fullir sjálfstrausts eftir að hafa rúllað yfir Ástralíu.