Mynd: Getty Images

Mynd: EPA

Mynd: EPA

Þórir Jóhann Helgason og félagar í Lecce eiga svo leik við Salernitana síðar í kvöld. Öll liðin sem mæta til leiks í kvöld leika í neðri hluta deildarinnar en eru þó langt frá fallsvæðinu.

Cremonese og Sampdoria eru í fallsætum og eiga þau afar erfiða leiki á morgun. Cremonese tekur á móti toppbaráttuliði Inter áður en Sampdoria heimsækir funheitt lið Atalanta sem er búið að skora 16 mörk í síðustu þremur leikjum. Aðeins tvö stig skilja Inter og Atalanta að í baráttunni um Meistaradeildarsæti.

Sunnudagurinn hefst á hádegisleik í Mílanó þar sem Ítalíumeistararnir taka á móti Sassuolo. Juventus fær svo Monza í heimsókn áður en Lazio og Fiorentina eigast við í áhugaverðum slag. Viðureign Lazio og Fiorentina er fullkomin upphitun fyrir stórleik helgarinnar sem fer fram í Napolí.

Þar á topplið Napoli heimaleik við lærisveina Jose Mourinho frá Róm. Napoli er á blússandi siglingu og með tólf stiga forystu á toppi deildarinnar. 

Það hafa ríkt miklar óeirðir á milli stuðningsmannahópa Napoli og Roma og er hægt að búast við funheitri rimmu.

Föstudagur:
17:30 Bologna - Spezia
19:45 Lecce - Salernitana

Laugardagur:

14:00 Empoli - Torino
17:00 Cremonese - Inter
19:45 Atalanta - Sampdoria

Sunnudagur:

11:30 Milan - Sassuolo
14:00 Juventus - Monza
17:00 Lazio - Fiorentina
19:45 Napoli - Roma

Mánudagur:
19:45 Udinese - Verona