Championship: Sterkur sigur Bournemouth gegn Watford

Bournemouth vann afar mikilvægan sigur í Championship-deildinni í dag er liðið mætti Watford á heimavelli sínum í 33. umferð deildarinnar.

Bæði lið stefna að því að komast í efstu deild á ný eftir að hafa fallið úr úrvalsdeildinni í fyrra.

Hollendingurinn Arnaut Danjuma reyndist munurinn á þessum liðum í dag en hann gerði eina mark leiksins fyrir Bournemouth í seinni hálfleik.

Bournemouth er nú með 52 stig í fimmta sæti deildarinnar en Watford er tveimur sætum ofar í því þriðja.

Watford er með jafn mörg stig og Brentford sem er sæti ofar en annað sætið gefur beinan farseðil upp í efstu deild.

Bæði lið kláruðu leik með tíu menn en þeir Jack Wilshere og Joao Pedro fengu að líta rautt spjald þegar örfáar sekúndur voru eftir.