Fernandinho framlengdi samning sinn við City fyrr á árinu en hann hefur verið lykilmaður í liðinu og hefur átt stóran þátt í mögnuðum árangri félagsins síðustu ár.

Hann vonast til að koma á völlinn sem allra fyrst og að ástandið batni í heiminum.

„Ég sakna þess mjög að spila fótbolta. Það er ekki bara fótboltinn, heldur sakna ég þess að hitta liðsfélagana, þjálfaraliðið og allt fólkið sem kemur að klúbbnum," sagði Fernandinho.

„Ég sakna þess að mæta á æfingasvæðið á morgnana og spjalla við alla í eldhúsinu. Þetta er erfiður tími fyrir alla og ég er að finna fyrir þessu núna því ég sakna þeirra," sagði hann ennfremur.