Lokaumferðin í þýsku úrvalsdeildinni fer fram í dag en það er gífurlega mikil spenna á öllum vígstöðum.
Barist er um titilinn, Evrópusæti og sæti í deildinni og því verður mjög áhugavertu að fygjast með en allir leikirnir hefjast klukkan 13:30 í dag og má sjá hvaða lið mætast hér neðst í fréttinni.
Dortmund er í efsta sæti deildarinnar með 70 stig á meðan Bayern Munchen er í öðru sætinu með 68. Þýskalandsmeistararnir eru hins vegar með miklu betri markatölu en Dortmund svo það myndi duga fyrir Bayern að vinna sinn leik ef Dortmund gerir jafntefli.
Dortmund mætir Mainz á heimavelli en Mainz siglir lignan sjó í 8 sæti deildarinnar á meðan Bayern Munchen mætir Köln á útivelli. Köln er heldur ekki að spila um neitt nema stoltið er liðið er í tíunda sætinu.
Þá er baráttan mikil um síðasta sætið sem gefur keppnisrétt í Meistaradeild Evrópu á næstu leiktíð. Um það sæti berjast Union Berlin og Freiburg en þessi lið hafa aldrei spilað í þessari stærstu keppni heims.
Liðin eru jöfn að stigum með 59 stig en Union er með betri markatölu en þar munar fjórum mörkum. Union mætir Werder Bremen á heimavelli á meðan Freiburg heimsækir Frankfurt.
Þá eru það þrjú lið sem berjast um sjötta sæti deildarinnar en það eru Bayer Leverkusen, Wolfsburg og Frankfurt. Sjötta sætið mun gefa sæti í umspili fyrir Sambandsdeildina en þetta sæti gæti einnig gefið Evrópudeildarsæti ef RB Leipzig vinnur Frankfurt í úrslitaleik bikarsins.
Liðið sem hafnar í sjöunda sætinu, þar sem Wolfsburg er fyrir lokaumferðina, mun gefa umspilssæti fyrir Sambandsdeildina ef RB Leipzig vinnur í úrslitaleik bikarsins.
Síðast en ekki síst er það fallbaráttan. Þar eru alls fjögur lið að berjast en Hertha Berlin er fallið. Schalke 04 er í næst neðsta sætinu með 31 stig og fyrir ofan liðið eru Bochum og Stuttgart með 32 stig og svo Augsburg með 34. Liðið sem endar í 16 sætinu eða þriðja neðsta sæti deildarinnar fer í umspil um laust sæti í deildinni við lið úr B deildinni en Hamburg er í því sæti þessa stundina. Sjá má leiki dagsins og töfluna hér fyrir neðan.
Borussia D. 13:30 Mainz
RB Leipzig 13:30 Schalke 04
Union Berlin 13:30 Werder
Koln 13:30 Bayern
Borussia M. 13:30 Augsburg
Eintracht Frankfurt 13:30 Freiburg
Wolfsburg 13:30 Hertha
Bochum 13:30 Bayer
Stuttgart 13:30 Hoffenheim
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 3 | 3 | 0 | 0 | 11 | 3 | +8 | 9 |
| 2 | Dortmund | 3 | 2 | 1 | 0 | 6 | 2 | +4 | 7 |
| 3 | RB Leipzig | 3 | 2 | 1 | 0 | 4 | 2 | +2 | 7 |
| 4 | Heidenheim | 3 | 2 | 0 | 1 | 8 | 4 | +4 | 6 |
| 5 | Leverkusen | 3 | 2 | 0 | 1 | 9 | 6 | +3 | 6 |
| 6 | Eintracht Frankfurt | 3 | 2 | 0 | 1 | 5 | 4 | +1 | 6 |
| 7 | Freiburg | 3 | 2 | 0 | 1 | 5 | 4 | +1 | 6 |
| 8 | Werder | 3 | 1 | 2 | 0 | 4 | 3 | +1 | 5 |
| 9 | Union Berlin | 3 | 1 | 2 | 0 | 2 | 1 | +1 | 5 |
| 10 | Mainz | 4 | 1 | 2 | 1 | 8 | 8 | 0 | 5 |
| 11 | Stuttgart | 3 | 1 | 1 | 1 | 7 | 7 | 0 | 4 |
| 12 | Augsburg | 4 | 1 | 1 | 2 | 7 | 10 | -3 | 4 |
| 13 | Wolfsburg | 3 | 1 | 0 | 2 | 5 | 5 | 0 | 3 |
| 14 | Gladbach | 3 | 1 | 0 | 2 | 5 | 6 | -1 | 3 |
| 15 | Hoffenheim | 3 | 1 | 0 | 2 | 5 | 9 | -4 | 3 |
| 16 | Bochum | 3 | 0 | 0 | 3 | 1 | 5 | -4 | 0 |
| 17 | St. Pauli | 3 | 0 | 0 | 3 | 1 | 6 | -5 | 0 |
| 18 | Holstein Kiel | 3 | 0 | 0 | 3 | 3 | 11 | -8 | 0 |
